كيف نتعامل مع الطفل الحساس؟

في أولاد ربنا خلقهم بمشاعر رقيقة جدًا، وده مش "عيب" ولا "دلَع"

ده طبع وخصلة نفسية اسمها "فرط الحساسية" أو Highly Sensitive Child، وده شيء حقيقي ومثبت علميًا

الطفل الحساس بيفكر كتير… بيحلل الكلام… بيتأثر بنبرة صوتك… ممكن كلمة "بتهزر بيها" تفضل في دماغه أيام

طيب أتعامل إزاي مع طفلي الحساس؟

 

أول خطوة إنك تدرك إن ابنك مش "مشكلجي" ولا "دلوعة"

هو بس عنده جهاز عصبي ونفسي بيستجيب للمؤثرات بشكل أعمق من غيره

 

الهزار اللى فيه تهكم أو مقارنة أو تعليق على شكله أو تصرفاته… مؤلم جدًا بالنسباله حتى لو من باب "الهزار"

الهزار لازم يكون في حدود الأمان النفسي للطفل

 

لما يزعل أو يتضايق، ما تضحكش عليه

احتويه وقوله "أنا فاهم إنك زعلان وده حقك، تعال نتكلم"

الكلام البسيط ده بيعمل معجزة في نفسيته

 

قول له: "إنت لما بتزعل احكيلي، أو ارسملي، أو حتى اكتبه في ورقة"

ساعده يترجم مشاعره بدل ما يكتمها أو ينفجر بيها

 

زي إنه يقول: "أنا مش بحب النوع ده من الهزار" أو "الكلمة دي وجعتني"

لما يتعلم يحط حدود، هيحمي نفسه بشكل إيجابي من غير ما ينغلق

 

6. تجنب اللوم أو العقاب على المشاعر

لما تقول له: "كبر بقى، إنت بتعيط على إيه؟!"

ده بيخليه يحس إنه "غلط" إنه بيحس… وده مدمر لشخصيته

بدل كده، قل له: "أنا شايف إنك زعلان، وده طبيعي، بس تعال نفهم ليه"

 

7. امدحه على نقاط قوته

الطفل الحساس بيكون غالبًا ذكي، متعاطف، عنده خيال، بيلاحظ التفاصيل

شجعه على نقاط القوة دي وخليه يشوف إنها مميزة

 

البيت لازم يكون المكان اللي يرتاح فيه

بعيد عن الانتقادات، المقارنات، الصريخ أو التوتر العالي

 

لو دخل في نوبة بكاء، اقربله، اقعد جنبه، امسك إيده

وجودك الهادي جنبه هو أكتر حاجة بيحتاجها في اللحظة دي

 

زي التلوين، اللعب بالماء، الرمل، الرياضة، أو حتى المشي

النشاطات دي بتساعده يفرّغ شحنته النفسية بشكل آمن

 

الطفل الحساس ده مش عبء

ده هدية، محتاج فهم، وصبر، واحتواء

ومع التربية الصح، هيكون شاب راقي، متعاطف، ناجح، وعنده إنسانية عالية